الطريقة الصحيحة لعمل صوص التوفي بالصور ..

..

عزيزاتي التوفي من ألذ الصلصات الخاصة بالحلويات وممكن ينضاف كنوع من التزين النهائي لأي نوع حلو أو كيك أضف على ذالك إني طعمه رائع جدا جدا جدا .
مشاكل في عمل صوص التوفي وأبرز هذي المشاكل هي :-

1.تكتل السكر وعدم ذوابنه بشكل كامل
2.تكتل المزيج عند إضافة القشطة
3.لون الكراميل غامق
4.قوام التوفي لزج جدا وغير ناعم

وهني عزيزاتي راح أطرح طريقة لصوص التوفي اتخليج اتحبين اتسوينه كل يوم ما بطول عليكم اهني أنا سويت مقدارين تقدرين تسوين مقدار واحد. البداية في جدر على النار نحط أربع فناجين شكر ويا فنجان واحد ماي

ونفرغ علبتين قشطة (أنا أفضل قشطة نستله ) في كوب بلاستك وانسخنه في الميكرويف
لحوالي ال90 ثانية ممكن نستغني عن هذي الخطوة ونضع علب القشطة في ماء حار
على الضو لكن للسرعة ممكن نستخدم الميكرويف والكوب البلاستيكي عسب يسهل علينا
سكب القشطة لاحقاً على الشكر. بإسم الله نبدأ.

نضع الجدر على النار على حرارة متسوية وانخليه لحد ما يفور طبعاُ الماء راح نستفيد منه في شيئين الأول اني الشكر راح يذوب بشكل كامل وما راح نحصل على قطع غير مذابة مثل الطريقة القديمة الي نقلب فيها الشكر على الضو والشي الثاني إني الشكر بيبدا يتلون ببطئ فنقدر نتحكم باللون الي نحن نبغيه للتوفي بكل بساطة

لاحظوا أحبتي إهني بعد مرور حوالي الأربع دقائق على غلي الشكر والماء بدأت الاطراف تتلون بلون الكراميل الخفيف لاحظوا الجانب الأيمن

واهني بعد مرور 7 دقائق بالظبط وصل للون الي نحن نباه وهو اللون الذهبي الخفيف

في هذي المرحلة نكون سخنا القشطة مثل ما أسلفنا ونبعد الجدر عن النار اشوي لحوالي أربع ثواني بعدين إنضيف القشطة للشكر مع التقليب المستمر

ونرجعه مرة ثانية للضو وانخليه يفور لحوالي الدقيقتين بس

بعدين إنطفي عليه النار ونبعده عن الضو وانخليه اشوي

بعد ما يبرد بشكل كامل إنصبه في غرش بلاستك أو غرشة وحدة كبيرة .لاحظوا لونه الذهبي الرائع

صحتين وعافيه

منقول ..

تسلمين والله ياانشودة

ماننحرم منك يارب ,,,

صرااحه طريقه سهله واحلى من الطريق المعروفه

يعطيك العافيه ع الطرح

مشكووووووووووووره

يعطيك العافيه يا الغلا

طريقه سهله ورااائعه

يعطيك العاااااااااااااااااافيه يالغلاااا