يا عيـــون الشــّـــعر ؟ للشاعر الشاب ناصر بن دهيم

السلام عليكم

اخواني واخواتي الكرام

اقدم لكم هذه القصيده ...

واتمنى من الله ان تحوز على اعجابكم واستحسانكم

هي من اولها بدايه او نهايه=هي حقيقه لكن بصورة روايه
اشغلتني لين جنّ العقل منها=يالله اني طالبك درب الهدايه
ودي افكر ولكن ليش افكر=دام تفكير البشر من دون غايه
من صغر سني وانا فكري قصيده=لين صارت سيرتي مثل الحكايه
لابغيت اسج عن همّي اغني=ماحترفت الشعر لكنّه هوايه
كل شخص بهالزمن يبني طموحه=الصعود الصعب يبغى له درايه
النجوم انشوفها منّا قريبه=اثر هقوات النظر اكبر جنايه
اسرفت بي لين حبيت المعالي=كل منجز شي مايروي ضمايه
تنخلق هالناس فالدنيا عطاشا=لو سقوها اليم ماقالت كفايه
بعض هالعالم خلقه الله يعاند=ماكتب حرف ويبي يفك القرايه
الغني من عز نفسه في حياته=مامضت دنياه بأموال وحمايه
الجهات اربع وكلٍ في طريقه=ياطريقٍ صح والا درب تايه
ان خذت دنياي والا ماعطتني=خطوتي بالارض واحلامي سمايه
لي معا اهل العشق دربٍ مانسيته=هو سبب جرحي وهو سبّة شقايه
الجفا ؟ فالحب تصريف الحبايب=والفراق يجيك من كلمة وشايه
ولي مع اهل المرجله شيٍ طرالي=من بغى الامجاد يصبر فالبدايه
اعشق اللي خوّته كسب المراجل=خوّة الطيّب على الدنيا دوايه
ولي مع اهل العلم درسٍ ماكتبته=لكن اني حافظه حفظ الوصايه
يكفي اني عارفٍ هالكون كله=مايساوي من كتاب الله (آيه)
القصيد احزان وعيوني منابر=والعنا مخلوق من سبّة عنايه
لا لمست الورد يبكي من حنيني=ولاسهرت الليل ذكرني غلايه
منهجي واضح ولا احب اتفلسف=واكره اللي حكيهم كذب ودعايه
ياعيون الشعر ابكي واكتبيني=شاعرٍ موهوب كوّن له ولايه
طرفه ابن العبد غنّى في شبابه=لين علق له مع اهل السبع رايه
ان رضوا هالناس والا مارضو بي=الثنى لله والحاسد ورايه
عارفٍ قدري ولي فالناس نظره=بشت فيدي فدوته ميّة عبايه

وسلامتكم


للـــشـــاعر الــشـــاب الــصــاعـــد// نــاصــــر بــن دهــيــــم الــــدوســـري

السلام عليكم ورحمه الله وبركاته




صح السان شاعرها والسانك يا (( مبارك الشويلعي )) مشكورعلي هذي القصيده وصراحه ابدع فيها حبيبي

يكفي اني عارفٍ هالكون كله = مايساوي من كتاب الله (آيه)
القصيد احزان وعيوني منابر = والعنا مخلوق من سبّة عنايه
لا لمست الورد يبكي من حنيني = ولاسهرت الليل ذكرني غلايه

وصراحه يعطيك العافيه يسلمووووووووو لك




تقبل تحياتي

صح لسانك ولسان الشاعر


قصيده قمه بالروعه والجمااااال


مشكوووووووووووووووور اخ مبارك

ننتظر جديدك

تحياتي

بندر

صح لسانك ولسان الشاعر


قصيده قمه بالروعه والجمااااال


مشكوووووووووووووووور الاخ مبارك

تحياتي لك

اخوي ابو خليل

يشرفني مرورك

ولاهنت على هالكلمات الطيبه


وتقبل احترامي وتقديري

اخوي الغالي // بندر


يشرفني مرورك ..

ولاهنت على الكلمات الطيبه الي نابعه من قلبه الغالي


واتمنى ان القصيده نالت على اعجابكم


وتقبل احترامي وتقديري

اخوي سامي

والله مدري وش اقول

وبيض الله وجهك على هالمرور

و يشرفني ويسعدني كثيراً


واتمنى ان القصيده نالت على اعجابك يابوعـــايــد



وتقبل احترامي وتقديري

لاهنت على النقل يامبارك




الظامي

صح لسانه ... قصيده جميله ...