( اصحابي الغالين ) مرثية الشاعر محمد الحربي بــ سلطان وطارق الرشيدي

مرثية (اصحابي الغالين)
سلطان رويشد الرشيدي
طارق هديبان الرشيدي

قالو علامك ي محمد بك احزان-
ودموع عينك فوق خَدَّك سكايب-

قلت اتركوني أنثر الدمع هتان-
شين جعل اضلوع قلبي حطايب-

ياليت ماب الارض مطنوخ له شان-
عشان لأمن مات مابه مصااايب-

ابكي على الشيخين طارق وسلطان-
اصحابي الغالين نعم الصحايب-

قالو هذولي من بني عبس ي فلان-
وانته سليمي كيف منتم قرايب-

قلت الوفاء والطيب وفعال الاحسان-
تنثر دموعك غصب ماهي غرايب-

اربع سنين وكننا مثل الاخوان-
عز ورفاقه وحترام وحبايب-

لا قلت ي سلطان تكفى ي ذيبان-
في يوم فيه من الصعايب صعايب-

قال ابشر بعزك وحتزم معك سلطان-
ناطى على راس الخطر مانهايب-

اشهد شهادات حق من قلب ولسان. ان صويب وكل قلبي صوايب-

لاكن مال العبد عن يوم الانسان-
الابد ماتركز عليه النصايب-

ي الله تسكنهم فسيحات الاجنان-
اصحابي الغالين نعم الصحايب-

الشاعر : محمد حامد نما الحربي

اللهم اغفر لهم وارحمهم حقيقة ابيات لها تأثيرها على من مر بنفس الحدث ....اللهم ارحم امواتنا واموات المسلمين ...لاحول ولا قوة الا بالله.