|
|
المشاركة رقم : 1 | |
|
|
الاول امام مسجد وراعي طاعه والكل يثني عليه والثاني عكسه تماما هواوي ومن محل الى محل وراعي صيد وله خاله دايم يزورها ويساعدها ويعاونها والخاله عندها بنت والرجال عاشقها ويقوم بخدمة الخاله عشان هالبنت وعاشقها على النقاء وفي ليله عقب ما سوى العشاء وضبطه جاه اخوه المطوع وقاله يا فلان انا طالبك مطلوب قاله انت تامر لا تقول طالبك قاله المطوع اجل قل تم قال تم قاله انا نويت الحج ان شاء الله وابيك تمسك المسجد مكاني !! قال يا خوي انا ماني فيد مسجد انت خابرني من الفجر وانا اطلع واتصيد واروح يم خالتي واساعدها وانت عارفني قال ابد خالتك تجيها يوم الجمعه مسجدنا هذا ما يصلون فيه الجمعه يعني تصلي من السبت الى الجمعه الفجر وعقبها تروح لخالتك وتساعدها وتجي قبل صلاة العصر قال يصير خير !! اثر الرجال يحسب ان اخوه يبي يغير رايه ويشوف غيره ويوم صلوا الفجر قال المطوع بعد الصلاة يا جماعه سامحوني وبايحوني وحللوني انا رجال حجاج وابي احج قالو مسموح لكن من هو اللي يبي يمسك المسجد عقبك !!؟ قال المطوع اخوي فلان !!! شافوه جماعة المسجد وهو خابرينه صلاته لك عليها وقالوا لا ان شاء الله فيه البركه وفيه الخير والرجال موجود يوم تأكد ان اخوه صامل ودرى ان أمر لابد منه وقبل لا يمشي اخوه المطوع قاله تراني معود الجماعه كل بعد صلاة العصر تقرى عليهم حديث ولا حديثين قال ابشر وما عليك عاد صوت الهواوي طيّب وكل بعد صلاة عصر لا جاء يحدث عليهم قام يشيل الحديث بصوته شيله والجماعه مستانسين ويقولون ليت اخوك حاج مبطي ما شاء الله على هالصوت الزين اخذ له ثلاث ولا اربع ايام على هالوضع وما يتعدى المسجد لكن خالته افقدته وقالت فلان ابطى علينا ما عاد يمر ابي اروح اشوف وش فيه لا يكون صاير له شي ولا مريض الخاله راحت تنشد وقالت من عيّن اليتمان وقالوا لها واحد حج والثاني في المسجد قالت اجل اكيد اللي حاج فلان وما انقطع الا انه حاج قالوا لا والله اللي حاج المطوع وفلان في المسجد قالت فلان بالمسجد !!! قالوا ايه وهو اللي يصلي فينا كل صلاة قالت سبحان الله والله يهدي من يشاء عودت الخاله يم بنتها وقالت ما عليه ابشرك تراه طيب لكن ماسك المسجد وما يقدر يجي قالت البنت :: فلان ماسك المسجد لا والله ما اصدق هذا ما هو راعي صلاة ما اصدق الا لين اشوفه بعيني !! وابيك تسمحين لي ابي اروح اشوفه !! يوم جاء اليوم الخامس ولا السادس ولا هي تكشخ وتزيّن قبل صلاة العصر ناويه تروح تشوفه والمساجد الاوله اكثرها مكشوفه اذن العصر ويوم وصلوا الناس وجاء وقت الاقامه الا على وصول بنت خالته معاها حريم بعد لكن هو يعرفها وهي جت على يسار الصفوف والهواوي ما درى وهو يقول لواحد ٍ عنده اقم الصلاه اقام الصلاة وهو يتقدم ويلتفت يمينه ويقول استوااا والتفت يساره ولا يشوف بنت خالته اللي عاشقها ... واقفه عند باب المسجد يبي يقول استوو اعتدلو... والرجال تلخبط من الي شافه المهم انه جاب العيد وقال :: تعدلو ياهل القلوب المواليف ..... صيرو ورى القراي خمسة صفوفي احلف بربٍ حيزم الغرث باليف...... مرجع بصر يعقوب عقب الكفوفي انك منايف لابسات المشاريف............ والي كذب يالله عسى مايشوفي وسلامتكم .........ز
|
|
|
|
|
|
|
المشاركة رقم : 2 | |
|
|
|
|
|
|
|
|
|
المشاركة رقم : 3 | |
|
|
|
|
|
|
|
|
|
المشاركة رقم : 4 | |
|
|
|
|
|
|
|
|
|
المشاركة رقم : 5 | |
|
|
|
|
|
|
|
|
|
المشاركة رقم : 6 | |
|
|
حروف رائعه كـ روعتك سلمت اناملك على جمال ماطرحت لاعدمناك بنتظار جديدك تحيااتي لك أبو زياد الذيابي
|
|
|
|
|
|
|
المشاركة رقم : 7 | |
|
|
طرح رائع يعطيك العافيه..
|
|
|
|
|
|
|
المشاركة رقم : 8 | |
|
|
|
|
|
|
|
|
|
المشاركة رقم : 9 | |
|
|
|
|
|
|
|
|
|
المشاركة رقم : 10 | |
|
|
|
|
|
|
|
 |
| مواقع النشر (المفضلة) |
«
الموضوع السابق
|
الموضوع التالي
»
| أدوات الموضوع | |
| طرق مشاهدة الموضوع | |
العرض العادي
|
|
الساعة الآن: 03:10 AM