قصيدة : العبسية للشاعر عيد بن مربح الرشيدي

بديـت باسـم مـكـون الإنــس والـجـان = باسـمـه يعـاهـد كـــل جـــنّ مـــرودي
وردًا علـى مــا قـالـه فــلان و فــلان = ضعوف النفوس اللـي تغـث الكبـودي
تـاريــخ مـتـجـرد و تـألـيـف عـمـيــان = كـنـه عـلـى ظـلـم الـعـبـاد مـحــدودي
أخـص مــن سـطـر بالاحـقـاد ديــوان = حـقـود والـمـصـدر كـتـابـة حـقــودي
اليـا إنـعـدم مـبـدى العقـيـدة بالانـسـان = يقـد ر يـسـوي مــا يـسـوي اليـهـودي
ولأهل الوفا والصدق شكـرًا وعرفـان = وتـحـيــةٍ عــطـــرة وبــاقـــة ورودي
نعـم رشيـدي مـن بنـي عبـس غطفـان = من قيـس بـن عيـلان شجـرة جـدودي
تحـت مسمـى عبـس واشجـع وذبـيـان = تلـقـى عناويـنـي ومـجــدي وجـــودي
هـرجٍٍ علـى صـدق وحقايـق وبـرهـان = حقـايـقٍٍ تــد مــغ دمـــاغ الـجـحـودي
حقـايـقٍٍ تــروي معـانـي خـبــر كـــان = بـخـطـوط كـوفـيـة بـصــمّ الـحـيـودي
حصل المنافـس والسّبـب سبّـة رهـان = سبّـة فـرس وحصـان راحـت فهـودي
وجانـا بغـا التـركـي ودارنّ الاكــوان = دون الكـرامـة و الـوطـن والـعـدودي
ومرّالجفـاف وراحــوا الـبـدو فـرقـان = كــلٍِ طــوى بيـتـه بـظـهـر الـقـعـودي
وزاحـوا لنـا مـن غبـر الأيـام فرسـان = أحــدٍ حــدر و أحــدٍ تـوجّـه سـنـودي
شالـوا علـى فلـك البـحـر لام درمــان = يـبــون وديـــانٍِ سـقـتـهـا الــرعــودي
ثــم استـقـروا بـيـن كـســلا وحـلـفـان = يـتـلـون شـــف مـطـيـرات الـبــدودي
ونـزلٍِ نـزح للسّيـف راضـي وقنـعـان = مــــن الـبـحــر لـلـدبـدبـة لـلـنـفــودي
قـوم لهـم فــي سـاحـة المـجـد مـيـدان = يـــوم إنّ كـــلٍِ دون حــــدّة يــــذودي
صـالـوا وجـالـوا وأستـقـروا بـهـدلان = دار الصـبـاح الـلــى تـلــم الـوفــودي
ونــزلٍِ تــورث منـزلـة عـبـس بـآبـآن = ونـزلٍِ بـوادي السّـر سـوى السـدودي
وفـي كـل دار إلـنـا مــوارد وعـربـان = وتاريخنا بارض العـرب لـة وجـودي
وحـنــا بقـيـنـا بالـمـنـازل والأوطـــان = بأقسى الظروف مواصلين الصمودي.
تـرمـز لـنـا الكـفـة هـويـه و عـنــوان = الـنـاس تـعـرف والـعـوانـي تـــرودي
يـوم الجـزيـرة بـيـن تسعـيـن شيـطـان = نطعـن ونطعـن دون هــاك الـحـدودي
مــن المديـنـة حـدنـا ضـلــع حـبــران = مـا يمـرهـا الا مــن خـضـع للقـيـودي
ومـن حـرّة الكـورة لشرقـي مراغـان = بعـد أمرنـا يــردون مـاهـا الــورودي
ومن ذاق ضرب سهومنـا راح ندمـان = مـــوت مـــا فـكــر بـلــم الـجــرودي
إسـلاحـنـا قـــوّ العـزيـمـة والأيـمــان = وألاّ عــددنــا بـالـحـسـاب مــعــدودي
ودخيلنـا ممـن عـن الضيـم مــا يـهـان = وسلامـتـه نـبـذل وراهـــا الـجـهـودي
وخوينـا مــا يكـظـم الغـيـض زعــلان = وقـصـيـرنـا نـعـطـيـه حــقــه وزودي
حنا هل المعـروف ورجـال الاحسـان = قـوم نجـود الـيـا انـعـدم كــل جــودي
وأمجادنـا غصـبٍ علـى كـل مرضـان = شـعـاع ذري فــي عـيـون الحـسـودي
ويـوم أرسـل الله مسلمًـا لـم الاخــوان = سرنـا ورى صقـر الجزيـرة جـنـودي
من ضمن جيش الفيصلي نسل عدنـان = والله يـشـهــد والـخـلايــق شــهــودي
وننعـم بحـكـم محاسـبـة كــل غلـطـان = ولا عاش من يجـرح كرامـة سعـودي

حنا هل المعروف ورجال الاحسان قوم نجود اذا انعدم كل جودي


الله لا يهينك ويعطيك العافيه علي النقل الجميل
وصح لسان شاعرنا ابو غريب
بنــــــــــــدر

حنا هل المعروف ورجال الاحسان قوم نجود اذا انعدم كل جودي


الله لا يهينك ويعطيك العافيه علي النقل الجميل
وصح لسان شاعرنا ابو غريب
بنــــــــــــدر

صح لسانك اخوي وصح لسان الشاعر
وتسلم على النقل
تقبل تحيتي اخوووووك
ع
و
ي
س

اليا إنعدم مبـدى العقيـدة بالانسـان****يقد ر يسوي مـا يسـوي اليهـودي

ولأهل الوفا والصدق شكرًا وعرفان****وتحيـةٍ عطـرة وبـاقـة ورودي


درع الجزيره اشكرك جزيل الشكر على ماتقدمه من قصيد لشعراء القبيله

صح السانك وصح السان شاعر عبس عيدابن مربح

تحياتي

وفي كل دار إلنا مـوارد وعربـان
وتاريخنا بارض العرب لة وجـودي

مشكووووووووووور

أخوي درع الجزيره على هذه القصيده اللي يفخر بها كل رشيدي

وخوينا ما يكظم الغيـض زعـلان
وقصيرنـا نعطيـه حـقـه وزودي

وأخيراً أقول.......

وننعم بحكم محاسبـة كـل غلطـان
ولا عاش من يجرح كرامة سعـودي

"عابر سبيل"

نعم رشيدي من بني عبـس غطفـان
من قيس بن عيلان شجرة جـدودي
تحت مسمى عبس واشجـع وذبيـان
تلقى عناوينـي ومجـدي وجـودي
صح لسانك

عبسية فعلا,,,,,

عيد الشاعر الغني عن كتاباتنا,,,شاعر القبيلة ودرعها,,,,,,,

اخي درع اشكرك من اعماق قلبي على نشر هذه القصيدة بالمنتدى000

واشكر من قام بتثبيتها000000

لك تحياتي

نعم رشيدي من بني عبـس غطفـان
من قيس بن عيلان شجرة جـدودي
تحت مسمى عبس واشجـع وذبيـان
تلقى عناوينـي ومجـدي وجـودي



صح لسان شاعرها العملاق ولاهان ناقلها



أخيك

الف شكر

تحياتي
ابو محمد