اكثر تواقيتك على الساعة اثنين .. حميد الهواوي

جديد الشاعر حميد الهواوي

أكثر تواقيتك على الساعه أثنين
..
ارسل مراسيل الغلاء والمحبه
ماعاد ينفع بي عتاب المحبين
قلبي يضيعون الاطباء بطبه
بالمملكه والغرب والهند والصين
وانته ضبطته مثل ظبط المنبه
واكثر تواقيتك على الساعه اثنين
توقيتك الجبار قلبي لعب به.
تشب فيه ليا غدا الليل ليلين
حبك حطب وضلوع قلبي مشبه.
لهيب نارك يدهر بالشرايين
قلبن بري وﻵعرف ويش ذنبه
فيه الوفاء والحب والصدق والدين
ولا فيه غير اجروحك المستتبه
احاول اخفيها عن الناس وتبين
دايم يميل مع الهبوب ومهبه
صفق الهوى يلعبه يسارويمين.
وانا هواوي والهوى مايكبه.
لاكن معك نسيت كل المزايين
لوكان قلبك في ماخاف ربه.
اضحك مع العالم وانا بين نارين

..... حميد الهواوي ....