((الوجه الآخر))

لم يتبقى ما ابكي عليه او احزن لفقدانه

من اقبل اهلا وسهلا به ومن ادبر فالله يسهل عليه

من راح من كيفه وكيفه يوديه,,,,خله على كيفه وكيفه يجيبه

الحب شيء جميل في هذه الحياه

والاجمل منه ان تجد المحب الذي يشعرك بطعم الحب
والندم على الايام اللتي مضت قبل معرفتك له
وجهة نظر قد تكون خاطئه

لله يرحمك ياعاقل الزيد

ابدعت حينما قلت

ياصاحبي قلها علـى شـان ترتـاح

الكلمـة اللـي توجـع القلـب قلهـا

قلها عسى همك مـع الليـل ينـزاح

وتفـارق الضيقـة وتلقـى بدلهـا

اطلق عنـان السالفـة سدهـا بـاح

الى متى من دون صـوت تختلهـا؟

خل الحديـث لمبهـم السـر مفتـاح

سـود النواعـس لاتبيـن زعلهـا

حاولت اصرح لك..وانا اعرفك لماح

بالصدق هذي..عن هذيـك تعزلهـا

تعبت اجدّل من سهر ليلـك مـراح

واضفي على جـرد المشاعـر حللها

متعودٍ صدري على شلـف ورمـاح

كم لي على شانـك وانـا محتملهـا

لاغيمـة ٍ تمطـر ولابـارق ٍ لاح

علـى مداهيـل خفوقـي نزلـهـا

ماظن باقي بالفـرح كثـر مـاراح

الفرحة اللي تنتظرهـا مـن قتلهـا

تعال اوسع صدرك ان ضاق وارتاح

والكلمة اللـي توجـع القلـب قلهـا

الحياه مدرسه

نتعلم منها دروس مفيده

ولكن مدى الاستفاده من هذه الدروس متباين حسب عقليات وطبيعة البشر

قد اكون مخطئ

وقد اكون على حق

وكذلك قد تكون على حق

فلسفة مرهق<<<<<<<<<<<<<<<<<<

من لارفع لك بالملاقى ذراعه=نزه يمينك عن مصافح يمينه

بيت حكيم

لله در من كتبه

وصح الله لسانه

لو تفرغنا لاصطياد اخطاء الاصدقاء والاستغناء عنهم عندما يبدر منهم تقصير أو يصدر منهم خطأ
لأصبحنا بلا اصدقاء ولعشنا وحيدين
لاننا كما قيل:
كلنا كالقمر له جانب مظلم

<<ويــــــــــنـــــــك الــــــــبــــــــارح؟؟؟؟؟؟>>

سؤال تكرر كثيرا
ما أجمله وما أصعب الاجابه عليه
ما أجمله لانك تحس بحلاوة خوف الشخص الذي سألك عليك
وما أصعب اجابته لانك لن تقتنع باجابتك حتى لو كانت مقنعه فما بالك بالطرف الثاني

من فلسفاتي بالحياه

قد تكون خاطئه

الله يسامحك يالصاحب وسامحني
ان كان مني حصل تقصير في حقك


بيت طازج من الذاكره الى ذائقتكم

وين الصديق اللي على زلات صدقانه صبور=اللي ولو يزعل على صاحبه مايبين زعله
في وقت صار العلم به ظلمى وصار الجهل نور=وصار احترام الشخص مايلقاه حتى من اهله

يقول ابراهيم الشيخي


انا ماني اكبر منك لكني اخبر منك
وفرق العمر لاشي مع فارق الخبره

يجي يوم تطلب فزعتي فيه غصب عنك
وادلك على المخرج واعلمك بالدبره

تعلم تغانم فرصة الوقت اذا مكنك
وكن في حياتك معتبر لا تكن عبره

واذا كنت تجهل من تكون اختبر معدنك
كفيل الزمان انه يبين مدى صبره

على شان تعرف تحتقر شخص ماثمنك
وتثبت لمن يفخر بك انك على خبره

لو انك تصديت لهوى النفس ما وطنك
على الاتكال وضيعة الحال والثبرة

فكم ميت ودك لو مكفنه كفنك
وكم حي ودك تذبحه وتحفر قبره

والانسان لو كفه بطاقة وجيبه بنك
على جرته فالارض مايلتقي شبره

لاترقب سعة غيرك تجد حالتك في ضنك
لو انك بقصر تشوفه اضيق من الابره

تندم على مافات لكن لايحزنك
الانسان ماتغسل قذا عينه العبره






صح لسانك يا ابراهيم الشيخي