ترى نبش الـ جروح

تـرى نبـش الجـروح المستديـمــه= عواقبهـا عـلى السائـل وخيـمه
تثـور اعصــــاب راعيهـا وتبـلـش= ولـولا العقـل مال الرجـل قيـمه
شمـالـي طـبـع وعتيـبـي حمـولـــه= ولـجــم كــل عـثــره باشـكـيـمـه
ولــو انــي اخـفــي كـــل حـــاجـــه= على وجهـي تشوفلهـا وسيـمـه
حـسـبـت ان الـلـيـالـــي مـاتـغـيـب= تـجـود وفــي عطايـاهـا كـريـمـه
فـقـدت الـلـي فقـدتـه مــن وفـايــه= وصار اليـوم عقـب السيـل ديمـه
بروق الامس غـابت واضمحلـــت= ولـم يبـقـى عـلـى الافــاق غيـمـه
صــدمــت بواقــعً حـطـم طمـوحـي= واخـذت اليـوم مـن وقتـي قسيمـه
اكابـد وادحـــم الصـدمـه بصـدمـه= وقـو الــراس مــن قــو العزيـمـه
تـشـوم النـفـس للغـالـي وتـطـمـح= وتبـقـى فــوق مـادامـت حشيـمـه
واذا هـــب الـهـــواء مـنــا ومـنــا= يـروق البـال مــع بــارد نسيـمـه
هـنـوفً تحتويـنـي دون مــــــدري= شرب قلبـي غلاهـا فـي صميمـه
امـيـرة خـلـق تسـمـو بالمحـاسـن= لـهـا قيـمـه ولاهــي بــأي قـيـمـه
خجـولـه لاحـكـت يـاوجـــد حـالـي= تـقـول انـــي مـبـشـر بالهـزيـمـه
شعـاع الصبـح فـي لـبـة نحـرهـا= يـامــال الــقــوم يـالـبــة حـلـيـمـه
تـنـاديـنــي بـعــكــشً لاتـــلاقــــن= غريـمً حــط سيـفـه فــي غريـمـه
نزف حبري وهجس القاف كمل= وذكـرى العشـق لا زالـت مقيمـه