|
قـــســم خــاص للمحاورات المنسقه" لوضع المحاورات بعد تنسيقها |
|
أدوات الموضوع | طرق مشاهدة الموضوع |
|
المشاركة رقم : 1 | |
|
الشاعرعبدالله الاشرم والشاعر مسعود الغبيوي منسقه مسعود هلا يامرحبا ترحيبتـن تطلـع طلـوع النـور ضياها في ركون الدار مـن حـده ليـا حـده ياشاعر عبس يا ضيف السعد يالشاعر المشهور ترا بحر الخليـج المعتبـر مثلـه بحـر جـده عبدالله الاشرم يدوم الك البقا في منتدى اللي فعلهم مخبور وهذا ماقفن بين المواقف ماعنـه صـده تقدم للمحيط الاطلسي ياصاحب البابـور وخذلك يابو عادل بالمحيط الاطلسي مـده مسعود تجمعنا على وضح النقا وقصور ماش قصور نبا ناخـذ ونعطـي والمعانـي هاتـه ووده مراكبنا تراها ياولد عبسي تجـوب بحـور وحنـا مابلشنـا فالبحـر جـزره ولا مـده الاشرم ترى الطرقه بعيده والمسافه تتعب المظهور ولاكن شد حيلك بالطريق وجهـز العـده تقوله يالغبيوي والشدايد تكشف المستـور وترى الرجال ينشب بالكلام اللي ماهو قده مسعود احد ياكل ويشبع واحد(ن) رزقه نقور صقور وأنا سيفي مجرب معتبـر ماخاننـي حـده ترانا للمعادي عظمتن تنشب بنص الـزور وانا قد العلـوم الكايـدة فالعسـر والشـده الاشرم ترى الارزاق يعطيها معيش الصقر والعصفور وسيفك معتبر ياللـي تسـل السيـف وتحـده نعم و الله بكم مير انتبه من لقمـة الحنجـور تراها ان كان كبرت تجرح الحنجور وتسـده مسعود ترا الموعد معاكم في صفر ولا شهر عاشور وتبا تصفى المشارب جعل مايحصل لها لده ترانا محكمين الشور دايم قـدوة الطابـور مقابيس الظلام وكل شيئـن عندنـا ضـده الاشرم ترى نوع الدواء بالوصفه اللي يكتب الدكتور ومن جاه القضى ماينقـذه خالـه ولا جـده تركد وانتبه واخذ الحذر بالماقف المحضور ولامنك عمـرت البيـت لاتحتـار وتهـده ...................... محاوره ثانيه لشاعرين عبدالله الاشرم سلام تسليم الاسود اللي ضوت عند الاسود لن الاسود بكـل دار معـززه ومكرمـه انهج يابو عادل على منهج ولد عمك حمود ذكرتني بحمود ابو بندر عسى الله يرحمه مسعود يامرحبا ترحيبتن دايم على المعنا تـزود أقولها وأعدها فيض الصـدور المحكمـه الله يرحم من رحل والفهد من بعده فهـود وكلن بوقت اللازمه يملا رصاصه محزمه الاشرم حنا نردك عن حمانا لا تعديـت الحـدود كلن يدافع عن حـدوده والديـار مقسمـه وامة محمد كلها ماتصاحب اصحاب الخدود واكبر جريمه كافرن ينكح مراتن مسلمـه مسعود حنا هل الديرة حماة الـدار ماحنـا زيـود لاعاد تلعب لي على الحبلين كـب الهمهمـه هاذي صفات الرافضه مثل النصارى واليهود انته وراك تدلـس المنهـاج يالـي ترسمـه الاشرم انته تشوف وتسمع اللي كنها اصـوات الرعـود والوضع غامض واستلم منا الرمـوز المدغمـه نسمع ورى طلعت كرى صوت الحصاني والقرود وحـوش عيـت لاتعلـم فـي زمـان العولمـه مسعود حنا تعلمنا الوفا حنا تعلمنـا الصمـود دايم سهمنا نلحمه يومن كلـن وسهمـه ماعاد فيها ندغم الموضوع والعالم شهود ولاني معلم واحدن رب الملا ما علمـه الاشرم انته تجيب العيد قبل العيد وتبيح السـدود وانته تعرف الشرذمه واللي يقود الشرذمه ياقشر مسعود الغبيوي جعل عرفه مايعود يبغى يحلله جزورن بالكتـاب امحرمـه مسعود كلن يعرف أهل الوفا والحقد شر(ن)للكبود ياليت ما كلن يقـول الا كلامـن يخدمـه حنا على نهج النبي والحكم حكم ابن سعود والي ورا البحر الحمر يتبع ركابه وغنمه الاشرم قمنا وثبتنا قواعدها على صـم الحيـود وليا بنينا البيت شرهتنا على اللي يهدمه انتم على نهج النبي والمشكله عاد وثمود ذيك الوجيه اللي على الشاشه تطل ملثمه مسعود ياصاح حجاج الحرم معروف من كل الوفود والسيل من واد الجرير يفيض في واد الرمه ابلشت خلق الله فوق الارض والي فاللحـود ووجيهنا تندى وفا ماهي وجيهـن مظلمـه
|
|
|
|
المشاركة رقم : 2 | |
|
شكرا لك خالد الغلا على نقل المحاوره وحسن الاختيار تحياتي وتقديري لك
|
|
|
|
المشاركة رقم : 3 | |
|
لعملاقين من عمالقة الشعر
|
|
|
|
المشاركة رقم : 4 | |
|
|
|
|
|
المشاركة رقم : 5 | |
|
|
|
|
|
المشاركة رقم : 6 | |
|
|
|
|
|
المشاركة رقم : 7 | |
|
شكرا لك خالد الغلا على نقل المحاوره وحسن الاختيار تحياتي وتقديري لك تحياتي وتقديري لك
|
|
|
|
المشاركة رقم : 8 | |
|
وكل الشكر لك خالد الغلا على النقل
|
|
|
|
المشاركة رقم : 9 | |
|
|
|
|
مواقع النشر (المفضلة) |
أدوات الموضوع | |
طرق مشاهدة الموضوع | |
|
|