خلـقـــت في الدنيا وانـا ما معـي شـي

القصيده هاذي للشاعر مبارك بن بخيت السبيعي وهو رجل اسمر البشره وقصتها كالتاليفي عام 1395هـ كان في المنطقة الغربية قرية أسمها بحرة وفي معسكر تابع الحرس الوطني في أم السلم وساكن متأهل في بحرة ,فيها فوج أبن قويد وفوج لأبن عبودالقحطاني ,أفواج جهاد وآخر الشهر يجون يستلمون الرواتب وأهل المورات يجون من بيشه ورنيه والخرمه ,وفي يوم من الايام جاء ربع من جماعتة وسوى لهم عشاء وجوا ربع آخرين ولابعد تعشوسندهم على العشاء الموجود وقال لهم الله يحييكم على عشاءآل فلان وأنتم واجبكم في الطريق وقام أتحالف بينهم وحلفوا وقالوا عشاءنا واحدوخلاص .وبعد ما تعشو عنده . شب النار وقام يسوي القهوه ,قامو ربعه يهاوشونه يقولون أنت عبد خبل أنت ما أنت بحاتم الطائي ولا إبن مهيد ,جالس على درب أهل المورات وعلى درب أهل الجهاد وكل ماجاك واحد عزمته ,بكرة الحرس بيفصلونك ولايقاعدونك وأنت عندك حرمتين وعندك عيال وعندك وعندك يعني هواشهم هواش محنيه ومحبه ,وهو جالس يسوي القهوة ويوم جاء يحط البهار حطه في براد الشاهي , ,قالوا أنت خربت القهوة يالبخيّت ,ويوم ناظر إلينهم صادقين ,قال أنتم أللي خربتوها لكن حطواعندها واحد عنده عقل ,ويوم راحوا من عنده قال هذه القصيد:

سجه مـع الهاجـوس طـــبيعـة ٍلـي

طبيعـةٍ بامـــوت ماجـــــزت عنـهـا

أشكى علىالخـــــلاق وارفع لـه يـدي

لا كثــــرت الأفــــكـــــــار يـفـك منـهـا

أما الكـــرم قــــد فـاز بـه حاتـم الطـي

حتىالفــرس من شان ضيفه طعنهـا

خلوني أكـــــرم في حياتـي وانـاحـي

ولامـــــت مـدري جثتـي مـن دفنهـا

خلـقـــت في الدنيا وانـا ما معـي شـي

وبروح منــــــــهـا ما معـي شـي منهـا

مسكين ياللي تحسب الواجـد شـوي

والعافيـه لـوتنشــــري وش ثمنهـا

يا جاهـل الدنيـا تراهــــا كــمـا الفـي

يا مخبل اللـي فـي حياتــــــــه ومنهـا

إن ناحرتلك قامت تـروح وتجـي

مثـل الذلـول اللـي طويـلٍ رسنهـا

وإن دبـرت خــلتـك طــايـح ومرمـي

وكم واحـد ٍلـه حاجـــــــةٍ ماضمنهـا

لا بـد ما نرحـل عـــن المـزح والغــي

ونسكن بيـوتٍ قبلـــــــــنـا مـن سكنهـا

النفس مثل الغصن عايش على الـري

ولولاه كــــل النـاس عــــافـت وطنهـا

يا لله عسى الحسنات تقضي على السي

لا قربـــواللنفـــــس ذرعـــــة كفـنـهـا

سلمت يمنااك ع النقل

الف شكر لك على نقلك الرائع
والشاعر مبارك من الشخصيات المحببة للنفس
ولي الشرف اني التقيته باحدى الامسيات
لك ودي

صح السان الشاعر مبارك
ومشكور اخوي على النقل

صح السان الشاعر مبارك
ومشكور اخوي على النقل

شاعر جزل مبارك

تشكر على نقلها

تحياتي

مشكوووووور والله يعطيك الف عافيه