حباب السندي الرشيدي في سطور

	نبذه عن حياة الشاعر / حباب السندي الرشيدى رحمه الله هو حباب بن سندي بن سبيل الرشيدي. ولد في الباديه سنة 1934 م . له مشاركة في التلفزيون ومقدم فقرة ديوان الباديه بالأذاعه وعضو لجنة جمع التراث بديوانية شعراء النبط الكويتيه سابقاًًََ عضو في ديوانيه شعراءالنبط ألكويتيه. شارك في كثير من المحافل الرسميه وغير الرسميه وله مساجلات مع بعض الشعراء صدر له اربع دواوين من الشعر (1)- ديوان الاحفاد لذكر الاجداد . (2)- ديوان بن عبس بين اليوم والامس. (3)- ديوان عيد الخياري الذي قام بجمعه واعداده على نفقته الخاصه. (4)- ديوان حباب للشعر والحكم والاداب. قضى حياته رحمه الله رحمة واسعه بأعمال البر والخير طيب الخلق محمود السمعه والسيره محبوب عند الجميع له منزله عند كثير من الناس رحب القلب بشوش الوجه يقوم بتحمل حل المشاكل ، وأصلاح ذات البين بين الناس يعين بجاهه من لا جاه له ، يتجاوز عن هفوات الاقرباء والاصدقاء يساعد العاجز بحل مشاكله ، وجميع أعماله في الخير لاحدود لها ومن اعماله الطيبه في فعل الخير قام ببناء بعض المساجد في بعض الدول العربيه الشقيقه. جزاه الله عنا خير الجزاء وأدخله فسيح جناته أنه قريب مجيب الدعاء ، وقد رثاه كثير من الشعراء ذاكرين أفعاله بالخير وأعماله الطيبه. سنورد ما حصلنا عليه. وهذه مرثيه للشاعر / عايد السندي في رثاء شقيقه المرحوم حباب السندي الذي وافته المنيه في المملكه العربيه السعوديه في نواحى منطقه حايل على اثر حادث مؤلم تغمد الله الفقيد بواسع رحمته آمين . مرحوم ياللي بـأرض حايـل فقدنـاه =عــز الله انــه ضـــاع مـنــا فـقـيـده ان قيـل وان مــا قـيـل والا ريثـنـاه =أنــا أشـهـد انــه راح مـنــه ولـيــده سهم القـدر باقصـى الغزالـه تمثنـاه =فـي حـادث ٍ جعـل الولـي مـا يعيـده أكـمـل مبـانـي مسـجـد ٍ زان مبـنـاه =يرجـي ثــواب الله نظـيـف العقـيـده ومشى صلاة الصبح عجل ٍ بممشاه =قضى المهمـه وأكمـل الـدرب سيـده أسرع شوي وصار ما كان نخشـاه =ومـن قــوة الـحـادث تنـاثـر حـديـده مـات العضيـد اللـي بفعلـه عرفـنـاه =رجـل المـواقـف بـالامـور الشـديـده بـكـى عـلـى قـبـره رجــال ٍ مسـمـاه =مـن غيـر صدقانـه وغـيـر البـديـده أخـوي لــو يـفـدى بـروحـي فديـنـاه =لكـن قضـى رب الـورى مـا يريـده مرحـوم ياللـي دوم يضحـك محيـاه =سـمـح ٍ جنـابـه والمـواقـف حـمـيـده فيـه المـروه والتواضـع لـمـن جــاه =يعطيـه ماجوبـه ولــو هــو ضـديـده شهـم وفـي وافــي حمـيـده سجـايـاه =يــم الـعـلا هـومـات نـفـسـه بـعـيـده كـمــل دروب الـمـجــد والـحـمــدلله =واليا انقضـت كـل البشـر مـا تفيـده وراح الفقيـده واكثـر الـنـاس تنـعـاه =عبـر الاثيـر ومـا كـتـب بالجـريـده يالله يـالـلــي طـيـبــات ٍ عـطــايــاه =يـامـن بـديـت الخـلـق تـقـدر تعـيـده يطلبك عبد ٍ مخلص ٍ وانت رجـواه =يـاحـي يـاراعـي العطـايـا الحمـيـده ترسـل علـى قبـره عبيـر ٍ تغـشـلاه =غيث ٍ مـن الرحمـه يفيـض ويزيـده وأرسل على قبره سحاب ٍ نثر مـاه =يـروي ثــرى قـبـر ٍ سكـنـه الفقـيـده الله عـنـا باحـسـن الـخـيـر يـجــزاه =وجنات عدن ٍ جعلها من رصيده طالـبـك ربــي جـنـة الخـلـد مــأوآه =آمين صلى الله على اشـرف عبيـده وهذه مرثيه للشاعر / موسى بن عمران الرشيدي يرثى فيها حباب السندي مرحوم ياللـي مـات غـرب الغزالـه =شـرق ٍ مـن الشعبـه شمـال أم سـلاه يوم الاحـد سابـع رجـب مـن هلالـه =حـل القضـا والقـدر والاجــل وافــاه والحـمـد للمـولـى عـلـى كــل حـالـه =نصبـر علـى مـا صــار والامــر لله مرحـوم يارجـل ٍ الـيـا جــا مجـالـه =قولـة نعـم تنـقـال بحـضـور طـريـاه رجل ٍ على الشدات مـا ضـاق بالـه =اليا قـام بالموضـوع بأمـر الله انهـاه مـواقـفـه فـيـهــا الــوفــا والـجـمـالـه =حبـاب عـز ٍ فــي مقـامـه وممـشـاه حـبـاب لا ركــب الـرشـا بالمحـالـه =كم من ضعيف ٍ ساعة الضيق نـاداه متجـاذبـه بالـطـيـب عـمــه وخـالــه =عزيز جـاه ومـن اهـل العـز مجنـاه تـارد علـى عـذب الـمـوارد أحبـالـه =يشرب من الجمه ولا يقصر أرشـاه وان انعقـد عـقـد ٍ صعـيـب انحـلالـه =حلـه بـراي ٍ راعـي الفكـر يـرضـاه وفي مجلسه يلقى الشرف والشكالـه =وسوالـف ٍ عـن كــل عـيـب ٍ منـقـاه ولو اذكر اللـي ماضـي ٍ مـن افعالـه =كـان القلـم يكتـب ولا يحصـي ادنـاه لــو كــان عـنـا مقـفـيـات ٍ ارحـالــه =ارثـاه فـي زيـن المثايـل ولا انـسـاه الله اكــبـــر يـالــزمــان وحـــوالـــه =امسـى الضحـى ويـاه واليـوم نرثـاه مـرحـوم يالـلـي مــا يـشـح بحـلالـه =عند اللوازم يرخـص المـال والجـاه وان جـاه رجـل ٍ مـن بعيـد ٍ عنـالـه =يضحك حجاج اللي من البعد ينصاه تعطـي يمينـه مــا درت لــه شمـالـه =ومـا قدمـت يمنـاه مــن خـيـر يلـقـاه نـدعـي لــه الرحـمـن جــل جـلالــه =يغـفـر ذنـوبــه ويـتـجـاوز خـطـايـاه عـسـى جـنـان الخـلـد فـيـه النـزالـه =مــع الـكـرام بجـنـه الـخـلـد مـــأواه بــدار النعـيـم الـلـي ظلـيـل ٍ ظـلالـه =الله يـجـمـع بـيــن الاحـبــاب ويـــاه راح الفقـيـده والـبـقـا فـــي اعـيـالـه =واخـوانـه الـلـي بالمهـمـات شــرواه اليـا غـاب نجـم ٍ بـان الاخـر بـدالـه =والحـر ينجـب مثـل وصفـه وحليـاه مــا هــل هـمـال ٍ صــدوق ٍ خيـالـه =صلـوا علـى اللـي بالشريعـه تبعنـاه وهذه قصيده رثاء للشاعر / فديغم بن خنيفر بن سبيل في رثاء حباب السندى رحمه الله الـبـارحـه عـضـيـت روس الـبـهـومـي =جـضن صناديـق الحشـا جمـل وفــراد قـعـدت انــا لـيــن ادبـحــن النـجـومـى =والعـيـن كــن الـهـا عـــن الـنــوم ذواد وأصبحت من شوف الحبيب محرومي =حـالـن مــن دونــه طـويـلات الالـحـاد اليـا جـا القـضـا مــا ينفـعـن العلـومـي =مـــا تـنـطـح رادات ربـــي الــيــا راد أجـبـر عـزانـا يـــا مـنـشـي الغـيـومـي =انـت الكريـم اللـي لــك الخـلـق سـجـاد تـعـوضـنـا بـالـلــي يــســد الـلـزومــي =عوق الخصيم اليا حصل غيض وعناد شـوره بـراسـه مــا يطـيـع الرخـومـي =لــه عــادة ٍ يلـطـم خصيـمـه الـيــا زاد مـحـنـك ٍ مـثــل الـحـصـان الـعـزومـي =كـريـم سـبـلا وان هـبــا كـــل حـســاد حـبـاب غـيــث ٍ للضـعـيـف ورحـومــي =يـا مكـثـر الترحـيـب يــا مقـلـط الــزاد يـمـنــاه دايــــم لـلـطـراريـش تــومــي =متبيـن ٍ طيبـه علـى روس الاشهـاد معصوم عن درب الـردى ومحشومـي =مجـنـاه مــن بـيـت الـمـروه والاجــواد يــا عــل بيـتـه مــا يصـيـر مـهـدومـي =ويصـيـر مثـلـه مـــن شغـامـيـم الاولاد يالله يـالـلـي مـــاش غـيــرك يــدومــي =تـحـط لــه فـــي جـنــة الـخـلـد مـقـعـاد وهذه قصيده رثاء للشاعر / رشيد بن عواد الرشيدي في رثاء حباب السندي حــبـــاب راح وكـلـبـونــا فـقــدنــاه=راع المـعـرفـه والـوفــا والـجـمـالـه مـا يرجعـه كـثـر البـكـا لــو بكيـنـاه=يـومـه وقــف وقـفـا وقـفـت رحـالــه اليا صارت الدعوه وكبرت نصينـاه=وأستقـبـل الـدعـوه بـهـدوء وسهـالـه يحـلـهـا بـالــراي والـفـكـر والـجــاه=وأن كانـهـا بـالـمـال يـســوق مـالــه اليا لبس بشت ٍ فوق الامتان تزهـاه=والـفــرد والـغـتـره وزيـــن عـقـالـه ياقف لهـا وقفـت جمـل مكـره عـداه=مـا يلحقـه منـهـا زمــل بــأي حـالـه يفـوز أبـو هنـدي علـى مــن تـحـداه=بالحـق ماهـو فــي طـريـق البطـالـه مـثـل الـنـداوي والـنــداوي حـلايــاه=حـبــاب شـيــال الـحـمـول الـثـقـالـه اشهد شهـادة حـق مـا هـي مضاهـاه=ان أبــو هـنـدي مــا نحـصـل بـدالـه أقـولـهـا بـجـهـار مـاهــي مـنـاجــاه=واللي زعل يشرب من الماء حثالـه راع الـمـزايــا الـطـيـبـه مانـسـيـنـاه=يـذكـر عليـنـا كــل مــا جــا مجـالـه عـســاه بـالـجـنـه مـحـلــه ومــثــواه=وعسى العوض عقبه بحضرة عياله عسـاه يطلـع واحــد ٍ مـثـل شــرواه=والا عـلــى حــــده بــكــل الـمـقـالـه مــن لابــة ٍ مـثـل الـذهـبـه مـصـفـاه=وأساسهـم مثـل الذهـب عــن ريـالـه ربعـه حمـول الخيـل يــوم المـلاقـاه=ولاخـيـر بالـلـي مــا لـقـولـه دلالـــه فـكـاكـة الخـلـفـات يـــوم الـمـثــاراه=اليـا طـار سـتـر أممشـطـات البـلالـه وهذه قصيده رثاء في حباب السندي للشاعر / شامان عمر الرشيدي يـا ورق أباجـاوب نياحـك بنوحـي =لـو مـا يفيـد النـوح بـفـراق غـالـي ممـا دهـا يـا نايـح الـورق روحـي =أصبحـت مـعـزول جــو ٍ الحـالـي يلوحـنـي حــر التـفـاريـق لـوحــي =والكبد يصلاها من الحـزن صالـي على الذي لو صحت ماهو بيوحـي =فـقـده سـطــا بـالـحـال واعـزتـالـي صديقي اللي حاسبه ضمن روحـي =حــبــاب عــنــا بـعـدتــه الـلـيـالـي ماني علـى مثلـه بنوحـي شحوحـي =لاواه مــن فـرقـا كـريــم السـبـالـي يالعين فوحي بأزرق الدمع فوحـي =خـلـيـه فـــوق الوجنـتـيـن متـتـالـي لـو أن دمعـك مـا يـداوي جروحـي =الامــر لـلـي والـــي ٍ كـــل والـــي مـا ينطـح سيـف المنـايـا نطـوحـي =لا حل بأمـر ٍ مـن عزيـز الجلالـي مرحـوم ياللـي للمعـالـي طمـوحـي =ذرب اليميـن الـلـي طـلـع للمعـالـي مـاهـو بـحـزات الشـدايـد لحـوحـي =يعجبـك كأنـه صـك جــال ٍ لجـالـي عن ربعته صعب المشاكل يزوحي =بــراي ٍ يـحـل مـعـقـدات الحـبـالـي أقفـا وحـنـا مــع طريـقـه نـروحـي =درب ٍ مـعـه كـلـن يـشـد الرحـالـي يالله يـامـجـري السفـيـنـه بـنـوحـي =تحطلـه فـي ظـل عـرشـك ظـلالـي يامن لراع الحـوت تسمـع وتوحـي =يــا خـالـق ٍ خـلـق ٍ وراه الـزوالـي يـاواحـد ٍ لخـطـا عبـيـدك تـبـوحـي =تـغـفـر ذنــوبــه دقــهــا وجــلالــي وهذه قصيدة رثاء للشاعر / ناصر خنيفر الرشيدي في رثاء حباب السندي عـلـم ٍ لـفـا يــا عـــل مـــا الله يـعـيـده=عـلـم ٍ تفـاجـوا فـيــه مـــن يسمـعـونـه قـلــت الـخـبـر قـالــوا تـوفــى ولـيــده=حـبــاب عـنـكـم مقـفـيـات ٍ ضـعـونــه وشـبـة بـصـدري مـثـل نــار ٍ وقـيــده =نـــار ٍ حطـبـهـا بالـغـضـا يشـعـلـونـه قـلـت أنتـهـت والله فـعـل مـــا يـريــده =أمــانــتـــه والله خــبــيـــر بــشــونـــه جـاه الـذي لــو طــال عـمـره يصـيـده= الــمــوت ديــــان ٍ يــطــارد أديــونــه ولا فـيــه مـخـلـوق ٍ حـيـاتــه مــديــده =مــابــه مـخـلــد بـالـبـشـر يـذكــرونــه مـهـمـا ضحـكـنـا بـالـلـيـال الـسـعـيـده= الادمــــي مــلــزوم سـلـمــى تـخـونــه أمـــا تـجــي بـــأول شـبـابــه نـكـيــده= والا بـتــال الـعـمـر شـــاف المـهـونـه ومـوتــت حـبــاب أكـيــد والله فـقـيــده= عــنــد القـبـيـلـه والــــذي يـعـرفـونــه مـلـزوم يفـقـد مـــن صـفـاتـه حـمـيـده =علـى الخـوي والـجـار نفـسـه حنـونـه وعـــز ٍ للـربـعـه بـالـلـيـال الـشـديــده =والـيــا تـخـالــف رايــهــم يـنـحـرونـه له راي يحسب ضمن الاريـا السديـده =طـلـق ٍ حـجـاجـه بالـقـسـا والـمـرونـه مـن جـاه يبغـي الـشـور علـمـه يفـيـده =ومـن جـاه يبغـي العـون يبشـر بعونـه والـلــي يعـرفـونـه مـــن أيـــا بــديــده =الـيـا حـــل ذكـــره كـلـهـم يشـكـرونـه ويــا الله يــا محـيـي عـظـام ٍ هـمـيـده =يــا مــن عـبـادك رحمـتـك يرتجـونـه تـمـحـا ذنـوبــه والـحـسـانـي تــزيــده =وفـي رحمتـك وسـط اللحـد ترحمونـه بالـخـيـر والحـسـنـات زود رصــيــده =واعـلــى الـجـنـان العـالـيـه تدخـلـونـه وعسى العوض بأحمد وهندي عضيده =عـسـى سـلـوم الـعــود مـــا يخلـفـونـه والـمـوت قبـلـه شــال نــاس ٍ عـديــده =والـلــي بـعـدهـم دربـهــم يـضـربـونـه سـنــه مـــن الله سـنـهـا فـــي عـبـيــده= ولــه التـصـرف فــي عـبـاده وكـونــه مات أبو هنـدي والفعـل حـي مـا مـات=دب الـلـيــالــي بــاقــيــات ٍ أفــعــالـــه غايـب رحـل ولـيـا نـظـرت الكتـابـات=مـا غـاب مجـده حافـظـه عــن زوالــه مـرحـوم يالـلـي لــه مـواقـف مـهـمـات=تــاج وفـخـر بالـطـيـب تـــارد حـبـالـه مـرحـوم يـــاراع الـسـخـا والـمــروات=مـضــت حـيـاتـه بـالـكــرم والـجـمـالـه لاهـــو بـــزراي ٍٍ ولا هــــو بـشـمــات=مــن شبـتـه مـــا عـــد عـنــه الفـسـالـه مـا صــك بـابـه دون وجــه القـرابـات=والضـيـف والعـانـي شـريــك بـحـلالـه يبكونه اقصى الناس وأدنى الرويضات=موتـى الـعـرب واجــد ومـوتـه الحـالـه مـرحـوم يــا شـيـخ ٍ يـحــل الـشـكـلات=قــــوام بـالــواجــب ونــطـــاح قــالـــه فـكــاك نـشـبــات ٍ وفــعــال خــيــرات=يــمــد بالـيـمـنـى وتـعــطــي شـمــالــه يـنـعـاه مـــن قـلــت عـلـيـه الـحـيـالات=بالـسـجـن مـمـنــوع ٍ عـلـيــه الـكـفـالـه عـويـن مــن حــده مطالـيـب وأديـــات=الـيـا أنثـنـى عـاجــز تـحـيـزم وشـالــه حـبــاب شـيــال الـحـمــول الـثـقـيـلات=مــال الضعـيـف ان قــل بيـديـه مـالــه تـغـمــده ربــــي بـرحــمــه وجــنـــات=وأكـــرم نـزولــه واسـتـظـلـه ظــلالــه مـالــوم قـلـبـي لـــو يــجــر الـتـنـهـات=ويـفـز مــن حـلـو الـكــرى لا طـرالــه هـاذي هـي الدنيـا مصـايـب ولـوعـات=مــات أبــو هـنـدي والبـقـا فــي عيـالـه وهذه قصيده للشاعر موسى ابن عمران الرشيدي عندما مر في رجم المرحوم حباب السندي الذي بناه في ايام شبابه حيث جدد بناه قبل وفاته رحمه الله ســلام يـارجـم ٍ عـلــى راس مـرقــاب=يـا اعــز مـرقـاب ٍ واعــز الرجـومـي اعـز المـرقـاب مــن عــز الاصـحـاب=وقلـبـي عـلـى مـرقــاه دايـــم يـهـومـي الـمـرقــب الــلــي للمـحـبـيـن جــــذاب=والرجـم كـانـه يــم الاصـحـاب يـومـي أرقبت بـه مشتـاق مـن زود الاعجـاب=أبــا الـونـاسـه مـيــر زادت اهـمـومـي والقلب من مما شافـت العيـن منصـاب=وقامـت طيـور البـيـن فـوقـي تحـومـي أشـوف بالمرقـاب رجــم ٍ لــه أسـبـاب=علـيـه مــن جــرد السنـيـن الرسـومـي بنـاه بـن سنـدي بعصـره وهــو شــاب=أيـام عـصـره فــات مــا هــو اليـومـي بـنـاه فـيـه يمـنـاه يــوم الـهـوى هـــاب=هـبـت لــه الغـربـي تـسـوق الغـيـومـي يـوم الزمـان اللـي ضحـوك ٍ بالانيـاب=يضحـك ضحكـات الدهـر مــا تـدومـي واليـوم غـاب وحـال مـن دونـه تـراب=ومن مرقب المرقاب صرت محرومي بقيت يارجمه علـى اسمـه وهـو غـاب=عـســاه بـجــوار الـغـفـور الـرحـومـي قلـتـه وعيـنـي تــذرف الـدمـع سـكـاب=ومـن ذاق فـرقـا صاحـبـه مــا يلـومـي يا عل عيـن ٍ مـا بكـت فرقـا الاحبـاب=يقصـر نظرهـا مـا تشـوف الحـزومـي يارجـم ياللـي بـيـن وديــان وهـضـاب=هـلــت عـلـيـك مـبـكـرات الـوسـومــي وأخضر ترابك أزهرت حولك أعشاب=ونـــزل بـقـربـك طـيـبـيـن الـسـلـومـي هـذا وأنـا مـن مرقبـك خاطـري طـاب=حـولـت مــن مـرقـاك مـالـي لـزومــي

رحم الله حباب وغفر الله له واسكنه فسيح جناته حباب السندي رحمه الله

رمز من رموز شعراء بني رشيد خدم القبيله في اشعاره واحيا تراثها

ومثلها خير تمثيل رحمك الله ياحباب وتجاوز عنك وسلمة يمينك اخي ما جد

على ما نقلت من موضوع مهم ومفيد تحياتي لك وتقديري

رحم الله حباب السندي رحمة واسعه

جميع مولفاته رائعه

سلمت وسلم نقلك اخي ماجد الزبني

لاهنت على هذه المشاركه الجميله

تحياتي

رحمك الله

يا حباب

وجعل مثواكـ الجنه ,

ولاهنت

اخي/ الزبني ,.,

الاخ ماجد الزبنى الله يعطيك العافيه على ماكتبته ولاهنت واسمحلى على التعديلات والاضافات البسيطه ولك منى فائق الاحترام

ابو نايف لا شكر على واجب

عبدالمجيد الرشيدي مشكور على المرور

العشق القديم مشكور على المرور

احمد السندي عادي والله على التعديل

الله يرحمك ياحباب السندي

لك تقدير اخوي ماجد