لقاء عادل الذيابي

ابو حازم

دائما بالقمه لقاءاتك




والشاعر العذب عادل الذيابي يستحق ان يتعرف جمهوره عليه

بهذا اللقاء الجميل


شكرا لك وشكرا لعادل الذيابي على هذه الاستضافه الجميله

يعطيك العافيه
وتسلم على الطرح الحلووو

انا .. وسلمى .. وسيف ..
كلنا ..
بـ صمت مرتفع ..!
طال السكوت.. وظاق صدر السواليف
والبال.. من كثر الهواجيس عايف.!
والليل طااال.. وطارق الصبح ماشيف.!!
وانا..وصمت الحزن..صرنا ولايف.
اسج..مع هجس الطواريق..واعيف
هجسي..وطاروق الضلوع النحايف.!
تجوع.. سلمى.! واترك..الكم.. والكيف!
واقسم..رغيفي بيننا بالنصـايف.؟
اقرأ..وتكتبني..قضيه, وتعريف
وتظما. وتشربني ..نحيب, وذرايف!!
صمت الشعور.. احساس.. ماله تواصيف
أكبر من حروف الحكي, والوصايف..؟؟
ياسيف كيف اشرح لك الوضع ياسيف؟؟
اقلامنا جفت ورفعت صحايف.!!
كيف ابتدي يامسندي..وانتهي كيف؟؟
من دون كيف؟ انا مثل مانت شايف.،!
شفني بقايا انسان والوقت كالسيف.!
وحظي كفيف..! وفرحتي.؟ حلم زايف!
همي بحر..وضلوع صدري..مجاديف
والعمر مركب..بين الأمواج طايف.!
وقلبي وطن..وعروق قلبي تجاووويف
للحزن.. وهمومي.! شعووب وطوائف..!
صوعات بقعا ..والقدر ..والصواديف
ورتني اهوال السنين العجايف. ‏
أتبع.."خريف العمر" في رحلة الصيف..!
وازحف ..على حد السيوف الرهايف..
الليل ..مفتاح السهر والتكاليف.
والصبح ..مفتاح القهر والحسايف.
والصبر.. مفتاح الضلوع المناحيف.!
والحزن ..مفتاح الجروح الرعايف!!
والمصلحه ..مفتاح باب المواقيف .
والواسطه ..مفتاح باب الوظايف ..!!
والفقر..يفتح للوجيه المصاليف.
باب الصلافه و الضعايف ضعايف
لاصار لك حاجه ولالك معاريف
بشت القناعه‏........,.......,....!
ان قلت لك خايف! ترى ماني ضعيف
ولاني شجاع !!ان قلت ماني بخايف؟
ياسيف وش عذر المعازيب للضيف؟
لامنها ضاقت صدور المضايف.!
قل للسوافي لوتهب العواصيف
عنها رقينا عاليات النوايف..
تسفي وحنا فوق روس المشاريف
في راس نايف.. والخلايف ..خلايف
وقل للضعوف اللي تحسب المصاريف
حنا ترانا ماحسبنا الكلايف.
لوشحت ..يدين الزمان.. المناكيف
نبقى على ..عهد الوفا.. مانزايف
وان طال.. بال الليل.. قل لـلسواليف
بوح السهر من ظيقه الصدر عايف..!


شاعر يغرف من بحر
ويعزف من وتر

يختلف عن الكثير
شاعر لن يمر مرور الكرام
سيكون حديث العالم بيوم من الايام

..ابو حازم
لو لم يكن لك الا هذا اللقاء لكفاااااااااااااك!

ألف شكر لكل من ساهم في هذا اللقاء


لقاء ناجح وحوار هادف وثري


في الحقيقه رغم معرفتي الشخصيه بالشاعر عادل الذيابي الا انني بعد هذا اللقاء كأني اراه لاول مره واسمعه لاول مره

عادل الذيابي شاعر ومثقف

ماشاء الله عليه

نتمنى ان لا يكون هذ اللقاء الا خير


وأن نسمع جديده قريبا



بيض الله وجه كل من تعب عشان هذا اللقاء


يعطيكم العافيه وما قصرتوا


وهذي الحقيقه اذا ماقدرنا عيال القبيله من يقدرهم؟؟؟؟؟؟؟؟؟؟؟؟؟


الى الأمام دائما وعلى فكره ترى هناك شعراء من ابناء القبيله ينتظرون الفرصه ولتكن الفرصه نحن من نمنحهم اياها قبل كل شيئ


في انتظار الجديد<<<<<<<<<<<<<<<< ودمتم

انا احد المعجبين بهذا الشاااعر

اتمنى توصيل اعجابي به

واتمنى منه الا يبخل علينا بجديده