مــوقــــع ومنتـديات بني رشــــيد

مــوقــــع ومنتـديات بني رشــــيد (http://www.bny-rasheed.com/vb/index.php)
-   .·• (منتدى الشـعر الشعبـــي) •·.· (http://www.bny-rasheed.com/vb/forumdisplay.php?f=11)
-   -   الحر لو يكبر يقولون (قرناس) (http://www.bny-rasheed.com/vb/showthread.php?t=41618)

وليد الطويل 06-20-2019 06:08 PM

الحر لو يكبر يقولون (قرناس)
 


الطيب احطه على هامة الراس
والا الردي ماله عليه وسيله

‏لاصار مالك بالطويلات مجلاس
‏لاتجحد الي واقفاً با الطويله

‏عينك تشوفه بس ماعندك أحساس؟
‏تبغى تجاهلها ترى،، (مستحيله)!!

شيطان جمع له شياطين وسواس
على الردا كلاً يروح يحبي له

للخير (مناعن )ولشر مقباس
وان ثارت الهيا يطيح بشليله

فعله كلام/ ولا يجي منه نوماس
لو مره الجاهل؟ لعن سلسبيله

‏خلك على فالك،،تشمة على الناس
‏وكلاً على ماقيل عقله دليله

‏الحر لو يكبر يقولون (قرناس)
‏والبوم لو يكبر حياته (ذليله)

كلاً على طبعه يعود على الساس،،
يوارثاً،، كل،،الردا،،،،،والفشيله!!!

وليد سلمان الطويل


الساعة الآن: 07:14 AM

Powered by vBulletin® Version 3.8.6
Copyright ©2000 - 2020, Jelsoft Enterprises Ltd AL-SHRA3
جميع الحقوق محفوظة لموقع و منتديات بني رشيد

a.d - i.s.s.w